Петропавлда 19 мамырда Солтүстік Қазақстан облысы әкімінің орынбасары Сатжан Аблалиевтің төрағалығымен Өңірлік экспорттық кеңестің кезекті отырысы өтті.
Іс-шараға өңірдің 80-нен астам экспорттаушылары, ҚР Сауда және интеграция министрлігінің, «QazTrade» АҚ, «KazakhExport» АҚ және «QazIndustry» АҚ өкілдері қатысты.
Солтүстік Қазақстан облысының өңделген өнімінің тауар айналымы 2023 жылғы қаңтар-наурызда 216,6 млн. АҚШ құрады, бұл 2022 жылдың сәйкес кезеңінен 44% артық. Өңірдің шикізаттық емес экспортының көлемі 57,4%-ға ұлғайып, 61,4 млн. АҚШ құрады. Негізінен Солтүстік Қазақстан экспорттаушылары ұнды, ауыл шаруашылығы жұмыстарын жүргізуге арналған механизмдерді, этил спиртін, бүрку құрылғылары мен мотоциклдерді сыртқы нарықтарға жөнелтеді.
Отырыс барысында «QazTrade» АҚ өңірлік өкілі Асқар Бутабаев экспорттаушыларды мемлекеттік қолдаудың қолданыстағы құралдары туралы айтып берді. Бүгінгі таңда Сауда және интеграция министрлігі мен «QazTrade» АҚ желісі бойынша кәсіпкерлерге 20-ға жуық шара қол жетімді. Бұл тауарларды экспорттау шығындарының бір бөлігін өтеу, экспорттық жеделдету бағдарламалары және халықаралық маркетплейстерге шығару, сервистік қолдау шаралары.
Өңірлік экспорттық кеңес отырысының қорытындысы бойынша бизнес өкілдері экспортты мемлекеттік қолдаудың түрлі тетіктерін қолдану жөніндегі жұмысты одан әрі жалғастыру қажеттігіне қызығушылық білдірді.
Сондай-ақ, СҚО-ға жұмыс сапары аясында «QazTrade» АҚ өкілдері өнімі экспортқа жөнелтілетін өңірдің кәсіпорындарымен кездесулер өткізіп, «Радуга» ЖШС, «Cool Infinity» ЖШС және «CT Assembly» ЖШС өндірістік алаңдарын аралады.
Анықтама:
«Raduga KDR» компаниясы – халық тұтынатын тауарлардың ірі қазақстандық өндірушілері мен дистрибьюторларының бірі. Қазіргі уақытта әртүрлі тауар санаттарындағы өнімдердің 700-ге жуық атауы бар. Сондай-ақ, компания экспорттық жеткізілімдерді одан әрі ұлғайту мақсатында Экспорттық акселерация бағдарламасына іріктелді. Сонымен қатар, «Raduga KDR» көлік шығындарын өтеу тетігін қолданады.
«Cool Infinity» ЖШС тез бұзылатын өнімдерді тасымалдауға арналған термос-вагондар мен рефрижераторлық вагондар өндірумен айналысады. Кәсіпорын сонымен қатар экспорттық акселерация бағдарламасының қатысушысы болып табылады.
CТ Assembly – Қазақстандағы CT Agro ауыл шаруашылығы машиналарын өндіру жөніндегі CLAAS және импорттаушының бірлескен кәсіпорны. Компания Tucano 580, 450 және 430 үлгісіндегі CLAAS астық жинайтын комбайндарды, Cerio орақтарын, CLAAS xerion 4500 тракторларын, HORSCH егіс кешендерін шығарады. CТ Assembly алаңының өнімділігі жылына 100 комбайнды құрайды. Жыл сайын өндіріс көлемі артып келеді. 2022 жылы Петропавлдағы зауытта CLAAS астық жинайтын комбайндардың 3 моделін өнеркәсіптік құрастыру басталды: TRION 530, Trion 650 және Trion 730.