QazTrade сарапшылары «Атамекен» ҰКП өкілдерімен кездесу өткізді. Тараптар қазақстандық өндірушілердің өнімдерін ілгерілетудегі ынтымақтастықты талқылады. Атап айтқанда, біз «Бір ауыл – бір өнім» жобасының финалистері туралы айтып отырмыз.
Жоба жергілікті тауарлар мен жергілікті шикізаттан жасалған өнімдер өндірісін дамыту үшін өңірлік өнімді дамытуға және ілгерілетуге бағытталған. «Атамекен» ҰКП-ның басқарушы директоры Айдана Тоғызбаеваның айтуынша, жобаның міндеті – ауылдық жерлерде бизнесті дамытуды ынталандыру, тауарлардың сапасын арттыру және аймақтық брендтерді құру болып табылады. Ең жақсы өнімдер бүкіл Қазақстан бойынша іріктеліп алынады. Жобаға барлық 20 өңір, 549 қатысушы қатысып, 60 тауар бойынша финалистер іріктелді. Жоба 2025 жылға
Кездесуде QazTrade сарапшылары шикізаттық емес экспортты қолдаудың қолданыстағы құралдары мен кәсіпкерлерге арналған бағдарламаларды таныстырды.
QazTrade Academy орталығының басшысы Айнұр Әмірбекова атап өткендей, сервистік қолдау шаралары аясында кәсіпкерлер экспорттық қызмет ережелерін оқып, сарапшылардың кеңестері мен ұсыныстарын ала алады, сондай-ақ QazTrade бағдарламаларына қатыса алады.
Келесі аптада жобаның финалистері үшін халықаралық сауда және экспорт ережелері бойынша білім беру бағдарламасы басталады. Оқытудың бірінші кезеңі экспортқа бағдарланған өндірушілерді қолдаудың мемлекеттік шараларына арналады. Екінші кезең халықаралық сауда орталығының техникалық қолдауымен және Еуропалық Одақтың қаржылық қолдауымен Орталық Азия Ready 4 Trade жобасы аясында әзірленген финалистерге арналған модульдік оқыту бағдарламасын қамтиды.
