Экспортты дамыту және ілгерілету

Экспорттаушыларды талдамалық және консультациялық сүйемелдеу

Қазіргі әлемдік үрдістерді талдау, жаһандық сигналдарға уақтылы ден қою

Қазақстанның мақсатты экспорттық қоржыны

Өндірушілердің проблемаларын анықтау және экспорттық экожүйені жақсарту жөнінде ұсыныстар әзірлеу

Компанияларға шетелдік нарықтарға шығу

Бірыңғай терезе export.gov.kz

Сүйемелдеу мен әкімшілендіруге export.gov.kz экспорттық порталына ерекше көңіл бөлінеді. Порталда экспортты ілгерілету жұмысын неғұрлым орталықтандырылған әрі тиімді жүргізуге мүмкіндік беретін бірқатар құрал іске асырылған:

• «Дайын аналитика» елдік, өңірлік және салалық бөліністерде барынша толық ақпарат ұсынуға бағытталған.
• «Интерактивті аналитика» дайын визуализациямен және автоматты түрде қалыптастырылатын мәтіндік анықтамамен «Тауарлар бойынша», «Елдер бойынша», «Өңірлер бойынша», «Қызметтер бойынша» талдамалық есептеулер жүргізуге мүмкіндік береді.
• Экспорттаушылардың шығындарын өтеуге және экспорттық акселерация бағдарламасына қатысуға өтінімдерді онлайн қабылдау.
• Жөнелту өңірін ескере отырып, тауарларды белгілі бір елге жеткізу құнын есептеуге мүмкіндік беретін логистика калькуляторы.
• Қазақстандық тауарлар мен өндірушілерді іздеу жүйесі.
• Ұсынымдарды бірден алу мүмкіндігі бар экспорттаушылар арасында сауалнама жүргізу сервисі (export readiness checker).

Экспорттаушыларды қолдаудың сервистік және қаржылық шараларының біріктірілген пакеттері

ТАЛДАУ

QazTrade қызметіндегі негізгі жобалардың бірі — экспорт саласында талдамалық жұмыстар жүргізу. Бұл бағыт экспорттық операцияларды жүзеге асыру кезінде кәсіпорындарға пайдалы ақпараттың үлкен көлемін қамтитын талдамалық шолулардың бірнеше түрін қамтиды.

Дайджесттер

Ай сайын жүргізілетін талдаудың ең сұранысқа ие түрлерінің бірі. Талдау белгілі бір кезеңдегі ең өзекті ақпаратқа — елдегі экспорттың жай-күйіне, жекелеген тауар топтары немесе позицияларына жасалған талдауға негізделеді.

Елдік шолулар

Талдаудың бұл түрі өз өнімдерін экспорттауды жоспарлап отырған Қазақстан кәсіпорындары үшін әлеуетті қызығушылық тудыратын бірнеше ел бойынша жыл сайын жүргізіледі.

Өңірлік шолулар

Өңірлік талдау Қазақстанның әрбір өңіріндегі жағдайға толықтай бағытталған, сондай-ақ жалпы ел бойынша ұқсас талдауды қамтиды.

Салалық шолулар

Салалық шолу белгілі бір сала тұрғысынан экспорттың әлеуетті мүмкіндіктерін талдауға бағытталған. Бұл талдау жыл сайын жүргізіліп, Қазақстанның бірнеше саласын қамтиды.

Экспорттық өнімдер каталогы

Бұл — Қазақстанның барлық негізгі экспорттаушыларының бірыңғай тізбесін, олардың қызметінің сипаттамасын, өнімдерінің ерекшеліктерін және кәсіпорындардың байланыс деректерін қамтитын жыл сайынғы басылым.

Экспорттаушылар тізілімі

Бұл тізілім қазіргі уақытта экспорттық операцияларды жүзеге асыратын экспорттаушы кәсіпорындардың шоғырландырылған тізімі болып табылады. Тізілім деректері кәсіпорындардың атаулары мен байланыс деректерін, экспортталатын өнімдер тізбесін, экспорттың үлесі мен бағыттарын қамтиды. Тізілім тұрақты түрде өзектендіріліп отырады және экспорт мәселелерімен айналысатын ұйымдар үшін үлкен қызығушылық тудырады.

Сауда-экономикалық миссиялар

QazTrade-пен бірге шетелдік сатып алушыларды табыңыз

Сауда-экономикалық миссия (СЭМ) — қазақстандық компаниялардың шетелдік нарыққа іскерлік сапары. Қатысушылар нарықтың ерекшеліктерімен танысады, өз өнімдерін таныстырады және әлеуетті импорттаушылармен, дистрибьюторлармен әрі сауда желілерімен жеке B2B-келіссөздер өткізеді.

СЭМ-нің негізгі мақсаты — қазақстандық компанияларға тікелей іскерлік байланыстар орнатуға және экспорттық жеткізілімдерге көшуге көмектесу.

Кімдер қатыса алады

Қатысуға шетелдік нарықтарға шығуға мүдделі қазақстандық шикізаттық емес тауар өндірушілер мен қызмет көрсетушілер шақырылады.

• өнімнің миссия тақырыбына және нысаналы нарықтағы сұранысқа сәйкестігі;
• компанияның экспорттық әлеуеті мен өндірістік мүмкіндіктері;
• өнім сапасы және қажетті сертификаттардың болуы;
• импорттаушы елдің талаптарын орындауға дайын болуы;
• презентацияның, каталогтің және өнім туралы өзекті материалдардың болуы;
• экспорттық жеткізілімдер тәжірибесі немесе экспортты бастауға расталған дайындық;
• қатысудың нақты мақсаттары және келіссөздер жүргізуге дайындық;
• міндетті төлемдер бойынша берешектің болмауы.

Толық шарттар мен қосымша талаптар әрбір миссия бойынша хабарландыруда көрсетіледі.

Халықаралық көрмелер

Өніміңізді әлемдік нарықта таныстырыңыз

Халықаралық көрмелер қазақстандық компанияларға өнімдерін кәсіби аудиторияға таныстыруға, сұраныс пен бәсекелестік ортаны зерделеуге, сатып алушыларды, дистрибьюторларды және іскерлік әріптестерді табуға мүмкіндік береді.

QazTrade отандық компаниялардың қатысуын ұйымдастырады Қазақстан Республикасының ұлттық павильондары мен ұжымдық стендтері құрамында.

Іріктеудің негізгі өлшемшарттары

Ұлттық экспозицияны қалыптастыру кезінде мыналар ескеріледі:

• Қазақстан Республикасының аумағында тіркелуі және қызметін жүзеге асыруы;
• өнімнің көрме тақырыбына сәйкестігі;
• нысаналы нарықтағы өнімге сұраныс пен оның перспективалары;
• өнімнің сапасы, бәсекеге қабілеттілігі және экспорттық әлеуеті;
• қауіпсіздік талаптары мен техникалық регламенттерге сәйкестігі;
• қажетті сертификаттардың, рұқсаттардың немесе аккредиттеулердің болуы;
• экспорттық тапсырыстарды орындауға арналған өндірістік қуаттардың болуы;
• талап етілетін тілде сапалы каталог пен презентацияның болуы;
• үлгілерді ұсынуға және өкілдің қатысуын қамтамасыз етуге дайындық;
• салықтар және басқа да міндетті төлемдер бойынша берешектің болмауы.

Талаптар елге, салаға және көрме форматына байланысты ерекшеленуі мүмкін. Түпкілікті шарттар әрбір іс-шара бойынша жеке жарияланады.

Экспорттық акселерация бағдарламасы

Экспорттық акселерация бағдарламасы — қазақстандық компанияларды халықаралық нарықтарға шығуға және экспорт географиясын кеңейтуге дайындауға бағытталған шағын және орта бизнес кәсіпкерлерін қолдаудың кешенді бағдарламасы.

Қатысушылар экспорттық әлеуеттің жеке бағасын, нысаналы нарықтарды таңдауда, экспорттық стратегияны әзірлеуде, маркетингтік материалдарды дайындауда, шетелдік әріптестерді іздеуде және B2B-келіссөздер өткізуде көмек алады.

2026 жылғы Экспорттық акселерация бағдарламасының 20 басым елі

Бағдарлама қатысушысы қалай болуға болады

01. Өтінім беру
Іріктеу өткізіліп жатқан кезеңде қатысуға өтінім беру.

02. Компания туралы ақпаратты толтыру
Ұйымның атауын, БСН-ды, өкілдің Т.А.Ә. мен лауазымын, қызмет саласын, ЭҚЖЖ-ны және байланыс деректерін көрсету.

03. Іріктеуден өту
Өтінімдер өнімнің экспорттық әлеуетін, өндірістік мүмкіндіктерді, қаржылық тұрақтылықты және компанияның сыртқы нарықтарға шығуға дайындығын ескере отырып, конкурстық негізде бағаланады.

04. Экспорттық диагностикадан өту
Экспорттық диагностикадан өтіп, компанияның әлеуетін бағалау.

05. Қатысу туралы растау алу
Қатысу туралы растау алып, Бағдарлама командасымен жұмысқа кірісу.