Басшылық

Жеңіс Әлібекұлы Өсербай Т. Рысқұлов атындағы Қазақ экономикалық университетін, Ресей Федерациясының Мәскеу мемлекеттік халықаралық қатынастар институтын бітірген. Экономика саласында PhD докторлық дәрежесі бар, жобалау менеджері, жеткізу тізбегін басқару маманы. Трансұлттық компаниялармен (ТҰК), халықаралық банктермен және қаржы ұйымдарымен, сондай-ақ ірі ЕРС-мердігерлермен жұмыс істеу және өзара іс-қимыл жасау тәжірибесі мол. Мансап Еңбек жолын 2000 жылы қаржы секторында бастаған. Әр жылдары «Самұрық-Қазына» АҚ-ның еншілес ұйымдарында басқарушылық позицияларда жұмыс істеді. 2021-2023 жылдары Қазақстан Республикасының Ауыл шаруашылығы вице-министрі қызметін атқарды, АӨК-ке инвестициялар тарту, АӨК өнімдерінің экспорты мен импорты, халықаралық интеграция, агроазық-түлік нарықтарын реттеу, ауыл шаруашылығы өнімдерін өңдеу және өндіру мәселелеріне жетекшілік етті, сондай-ақ «Азық-түлік корпорациясы» АҚ-ның Директорлар кеңесін басқарды. 2023 жылдың қазан айынан бастап «QazTrade» сауда саясатын дамыту орталығы» АҚ-ы Директорлар кеңесінің мүшесі, Директорлар кеңесінің тәуелсіз директоры болып сайланды. 2023 жылғы 13 қарашадан бастап «QazTrade» сауда саясатын дамыту орталығы» АҚ-ның Бас директоры болып тағайындалды.  

Жалпы ақпарат, білім

Қазақ гуманитарлық заң университеті, халықаралық құқық бакалавры.
Вестминстер Университеті (Лондон, Ұлыбритания), Халықаралық коммерциялық құқық магистрі.

Мансап

Еңбек жолын GRATA заңгерлік фирмасынан бастаған. 2011 жылдан бастап қазіргі уақытқа дейін «QazTrade Сауда саясатын дамыту орталығы» АҚ-да жұмыс істейді.

Жетекшілік ететін мәселелер

Экспорттық қызметті сараптамалық және кеңестік қолдау, экспортты жеделдету бағдарламасын жүзеге асыру.

Жалпы ақпарат, білімі

2009 жылы К. А. Тимирязев атындағы  Ресей мемлекеттік аграрлық университетін «Менеджмент» мамандығы бойынша бітірген.

Оңтүстік Кореяда, Жапонияда, Түркияда және ҚХР-да ғылыми тағылымдамадан өтті.

Өзгерістерді басқару бойынша салалық менеджерлерді даярлау бағдарламасына қатысты (2020 ж.).

 

Атқарған қызметтері (мансабы)

Еңбек жолын 2009 жылы Ұлттық экономика министрлігі жанындағы «Экономикалық зерттеулер институты» АҚ-да экономикалық дамуды жоспарлау орталығының аға сарапшысы болып бастады.

2010-2016 жылдары ҚР ҰЭМ жанындағы «Экономикалық зерттеулер институты» АҚ Инвестициялық процестерді талдау басқармасының аға сарапшысы, Инвестициялық процестерді талдау басқармасының бастығы, Кәсіпкерлікті дамыту орталығының директоры болып жұмыс істеді.

2016 жылғы 03 мамырдан бастап Сауда және интеграция министрлігі жанындағы «QazTrade» с ауда саясатын дамыту орталығы» акционерлік қоғамы Бас директорының орынбасары болып тағайындалды.

 

«Қазақстанның 2025 жылға дейінгі Стратегиялық даму жоспары», «Өндірістік қуаттарды ұтымды орналастыру схемасы», «Іскерлік ахуал» ұлттық есебі сияқты құжаттарды әзірлеуге қатысты.

Қазақстан мен ЭЫДҰ арасындағы ынтымақтастықтың Елдік бағдарламасын іске асыру жөніндегі жобалық топтың жетекшісі болды.

2015 жылдан бастап Назарбаев Университеті базасында «Global Entrepreneurship Monitor» ұлттық командасының мүшесі.

 

Жетекшілік жасайтын  мәселелері

ДСҰ, ЕАЭО және ЭЫДҰ-мен өзара іс-қимыл мәселелеріне жетекшілік етеді.

Институционалдық әріптесінен ITC жобасын іске асыру жөніндегі жобалау тобының жетекшісі.