QazTrade «Ghalam» ЖШС өндірістік базасында экспорттық акселерация бағдарламасын таныстырды
2025 жылғы 13 наурызда «Экспорттық акселерация-2025» бағдарламасы аясында бизнес пен экспортты қолдау жөніндегі мемлекеттік институттар өкілдерінің қатысуымен кеңес өтті. Кездесу «Ghalam» ЖШС өндірістік алаңында ұйымдастырылды.
Іс-шара барысында экспорттық акселерация бағдарламасының таныстырылымы өтіп, «QazTrade» АҚ ұсынатын мемлекеттік қолдау шаралары талқыланды. Сондай-ақ, компаниялардың халықаралық нарықтарға шығуына кедергі келтіретін негізгі мәселелер қарастырылды.
Кеңеске «Ghalam» ЖШС, «Тепломарт» ЖШС, WSE ЖШС, «INNO TECH GROUP» ЖШС, «Dynamics Scientific» ЖШС, сондай-ақ «Kazakh Invest» АҚ және «Kazakh Export» АҚ өкілдері қатысты.
Кездесуден кейін «Ghalam» ЖШС қатысушылар үшін өндірістік кешеннің таныстырылымын ұйымдастырып, кәсіпорынның мүмкіндіктерімен таныстырды.
