QazTrade Eira Med зауытында экспорттық акселерация бағдарламасын таныстырды
2025 жылғы 13 наурызда «Экспорттық акселерация – 2025» роуд-шоу аясында «QazTrade» АҚ Экспорттық акселерация және оқыту тобының бас менеджері Алимжан Умаров «Eira Med» ЖШС – қан орталықтарына арналған медициналық бұйымдар шығаратын зауытқа жұмыс сапарымен барды.
Сапар барысында халықаралық нарықтарға шығу кезінде отандық өндірушілерді қолдауға бағытталған экспорттық акселерация бағдарламасы таныстырылды, сондай-ақ оған қатысу шарттары түсіндірілді. Кездесу барысында тараптар «QazTrade» АҚ ұсынатын негізгі мемлекеттік қолдау шараларын және кәсіпорынның экспорттық әлеуетін кеңейту перспективаларын талқылады.
Сонымен қатар, зауыт өкілдері өндірістік кешеннің демонстрациясын ұйымдастырды.
«Eira Med» ЖШС-не бару экспорттаушыларды қолдау бағдарламаларын ілгерілетуде және мемлекеттік құрылымдар мен бизнес-қоғамдастық арасындағы ынтымақтастықты нығайтуда маңызды қадам болды.
