«QazTrade» сауда саясатын дамыту орталығы» АҚ, Қазақстан Республикасының сауда саясаты саласындағы ұлттық даму институты әрі шикізаттық емес экспортты қолдау және ілгерілету жөніндегі ұйым ретінде, 2026 жылға арналған Экспорттық акселерация бағдарламасына қатысу үшін отандық кәсіпорындардан өтінім қабылдаудың басталғанын хабарлайды.
Өтінімдер 2026 жылғы 16 наурыз бен 16 сәуір аралығында қабылданады.
Экспорттық акселерация бағдарламасы шикізаттық емес экспортты дамытуға бағытталған мемлекеттік саясаттың негізгі құралдарының бірі болып табылады және халықаралық нарықтарға бәсекеге қабілетті өнімдер мен қызметтер арқылы табысты шығуға қабілетті тұрақты экспортқа бағытталған компанияларды қалыптастыруға бағытталған.
Бағдарламаға экспорттық әлеуеті бар келесі экономика салаларының кәсіпорындары шақырылады: тамақ өнеркәсібі, инжинирингтік қызметтер, тұтыну тауарларын өндіру, жеңіл өнеркәсіп, машина жасау, металлургия, құрылыс материалдарын өндіру, мұнай-химия және химия өнеркәсібі, жиһаз өнеркәсібі, ауыл шаруашылығы, IT-қызметтер, сондай-ақ экономиканың басқа да басым салалары.
Бағдарлама аясында қатысушы компанияларға кешенді сараптамалық қолдау көрсетіледі. Оның ішінде кәсіпорындардың экспорттық дайындық деңгейін диагностикалау, мақсатты сыртқы нарықтарды талдау және бағалау, өнім мен қаптаманы шетел нарықтарының талаптарына бейімдеу, әлеуетті шетелдік серіктестерді іздеу және іскерлік келіссөздер ұйымдастыру, сондай-ақ экспорттық мәмілелерді сүйемелдеу қарастырылған.
Қатысушыларды іріктеу конкурстық негізде жүргізіледі. Өтінімдерді қарау барысында өнімнің экспорттық әлеуеті, кәсіпорындардың өндірістік мүмкіндіктері, компаниялардың қаржылық тұрақтылығы, сондай-ақ олардың сыртқы нарықтарға ұзақ мерзімді шығуға дайындық деңгейі ескеріледі.
Осыған байланысты QazTrade отандық кәсіпорындарды Бағдарлама мүмкіндіктерін пайдалануға және іріктеуге қатысуға шақырады.
Экспорттық акселерация бағдарламасына қатысу үшін тіркелу келесі сілтеме арқылы жүзеге асырылады: