«QazTrade» сауда саясатын дамыту орталығы» АҚ-ның Бас директоры Рустам Асулбек пен Армения Республикасының Қазақстан Республикасындағы Төтенше және Өкілетті Елшісі Армен Гевондян сауда-экономикалық ынтымақтастық мәселелерін талқылады.
2022 жылдың қорытындысы бойынша Қазақстан мен Армения арасындағы тауар айналымы өткен жылмен салыстырғанда екі есеге ұлғайып, 41,6 млн долларға жетті. Биыл да оң үрдіс сақталуда. 2023 жылдың қаңтар-сәуір айларында біздің елдеріміз арасындағы өзара сауда көлемі 12,2 млн АҚШ долларын құрады, бұл 2022 жылдың сәйкес кезеңінен 2,4 есе жоғары.
Тараптар атап өткендей, өсіп келе жатқан статистикаға қарамастан, Қазақстан мен Арменияның екіжақты сауда көлемін ұлғайтуда елеулі әлеуеті бар және экспортқа/импортқа арналған тауарлар номенклатурасын айтарлықтай кеңейте алады.
Кездесуге қатысушылар елшілік пен «QazTrade»-нің бизнесте ұзақ мерзімді әріптестік қарым-қатынастар орнатуға жәрдемдесудің, сондай-ақ тауарлар мен қызметтерді өзара жеткізудің оңтайлы тізбегін әзірлеу бойынша өзара іс-қимыл жасау мүмкіндіктерін қарастырды.
Бүгінгі таңда Арменияға қазақстандық экспорттың негізгі тауарлары: легирленбеген болаттан жасалған жалпақ жалатылған илек, электр аккумуляторлары, сүт өнімдері, темекі өнімдері, топырақты сұрыптауға және ұсақтауға арналған жабдықтар, шиналар, есептегіш және жазуға арналған қалта машиналары болып табылады.
Өз кезегінде Армениядан күшті спирттік ішімдіктер, зергерлік бұйымдар және олардың бағалы металдардан жасалған бөліктері, тоңазытқыштар, мұздатқыштар мен тоңазытқыш жабдықтары, тамақ өнімдері, дәрілік заттар, пластмассадан жасалған құрылыс бөлшектері, газ, сұйықтық және электр энергиясын беру.