Мажарстанға, Будапешт қ. алғашқы сауда-экономикалық миссия ұйымдастырылды - "QazTrade" сауда саясатын дамыту орталығы" АҚ
Санкциялық шектеулер жағдайында бизнесті ақпараттандыру

Мажарстанға, Будапешт қ. алғашқы сауда-экономикалық миссия ұйымдастырылды

Мемлекет басшысының Мажарстанмен сауда-экономикалық ынтымақтастықты дамыту жөніндегі тапсырмасын орындау мақсатында Будапешт қаласында алғашқы сауда-экономикалық миссия ұйымдастырылды, оған 20-дан астам қазақстандық кәсіпорын қатысты. Іс-шараның басты мақсаты – Қазақстан мен Мажарстан арасындағы сауда байланыстарын нығайту, қазақстандық кәсіпкерлер мен мажарстандық сатып алушылар арасында тікелей байланыстар орнату, сондай-ақ екіжақты кездесулер өткізу арқылы Қазақстан Республикасының экспорттық және инвестициялық әлеуетін арттыру.

Қазақстан Республикасының Сауда және интеграция министрі Арман Шаккалиев, мажарстандық әріптестерімен кездесулерінде екіжақты ынтымақтастықты кеңейту үшін агроөнеркәсіп кешені, машина жасау, ақпараттық технологиялар және логистика сияқты негізгі секторларда үлкен әлеует бар екендігін атап өтті. 2024 жылы екі ел арасындағы сауда айналымы 4,4%-ға өсті, бұл қосымша даму мүмкіндіктерін ашады. Қазақстан Мажарстанға экспортты 700 млн доллардан асуға дейін ұлғайта алады, бұл екі ел арасындағы экономикалық өзара әрекеттестікті едәуір тереңдетуге мүмкіндік береді.

Сауда-экономикалық миссияға дайындық аясында Мажарстандық ауыл шаруашылығы министрі Иштван Над және Мажарстан Сыртқы істер және сауда вице-министрі Мадиияр Левенте мырзамен кездесулер өтті, онда ауыл шаруашылығы секторына инвестициялар, бірлескен кәсіпорындар құру, сондай-ақ тұқым шаруашылығы мен асыл тұқымды мал шаруашылығын дамыту мәселелері талқыланды. Келіссөздер барысында Қазақстан-Мажарстан тікелей инвестициялар қорын құру туралы келісімге қол жеткізілді, бұл екі ел арасындағы сауда-экономикалық және инвестициялық ынтымақтастықты нығайтуға бағытталған.

Сондай-ақ, Қазақстан Республикасының Сауда және интеграция министрі делегациямен бірге маражстандық фармацевтикалық компания Gedeon Richter-дің бас кеңсесін аралап, компания Қазақстанда фармацевтикалық өнім өндіруді локализациялау бойынша қызығушылық танытты.

Сауда-экономикалық миссияның маңызды жаңалығы Мажарстандағы серіктестік кеңсесі — QazTrade компаниясының ашылуы болды, бұл кеңсе қазақстандық өнімдердің Мажарстан мен Еуропа нарықтарында жылжуына ықпал етіп, жаңа клиенттер табуға көмек көрсетеді. Бұл кеңсе қол жеткізілген келісімдердің орындалуын мониторингілеп, іскерлік байланыстарды белсенді қолдайтын болады.

Миссия нәтижесінде QazTrade мен Мажарстандық Сауда-өнеркәсіп палатасы (MKIK) және Мажарстан Экспортты қолдау агенттігімен (HEPA) өзара ынтымақтастық туралы келісімдер жасалды. Сонымен қатар, жалпы сомасы 15 млн евро болатын коммерциялық келісімдер жасау бойынша алдын ала келісімдерге қол жеткізілді.

Келісімдерді жүзеге асыру және екіжақты сауда байланыстарын нығайту Қазақстан мен Мажарстан арасындағы сауда көлемін алдағы жылдары 1 миллиард долларға дейін жеткізу жөніндегі мемлекет басшысының тапсырмасын орындауға қолайлы жағдайлар туғызады.