QazTrade «Экспорттық акселерация-2025» бағдарламасы аясында Al-Farabi ScaleUp түлектеріне арналған road-show өткізді
2025 жылғы 12 наурызда Astana Hub-та «QazTrade» сауда саясатын дамыту орталығы» АҚ ұйымдастырған «Экспорттық акселерация – 2025» road–show өтті. Іс-шара IT саласында қызмет көрсететін Al-Farabi ScaleUp program акселерациялық бағдарламасының түлек-компаниялар үшін арнайы өткізілді.
Қатысушыларға «QazTrade» АҚ басқарушы директоры Айнур Султаналиевна Амирбекова алғашқы сөзін сөйлеп, халықаралық нарықтарға шығу процесінде отандық IT-компанияларды қолдаудың маңыздылығын атап өтті.
Road-show аясында Экспорттық акселерация және оқыту тобының жетекшісі Алмас Мұхитович Ихсанов экспорттық акселерация бағдарламасын таныстырып, халықаралық нарықтарға шығу мүмкіндіктері мен экспорттаушыларға арналған мемлекеттік қолдау шаралары туралы айтып берді, сондай-ақ оған қатысу шарттары түсіндірді.
Іс-шара отандық IT-компаниялардың халықаралық дамуының сын-қатерлері мен мүмкіндіктерін талқылау үшін маңызды алаңға айналды.
