Қазақстандық экспортты ынталандыру операторы QazTrade пен Jiangsu SOHO Holdings Group Co.Ltd. халықаралық компаниялар тобы сауда-экономикалық инвестициялар саласындағы ынтымақтастық туралы меморандумға қол қойды.
Меморандум аясында Jiangsu SOHO компаниясы Цзянсу провинциясының Нанкин қаласында қазақстандық Цзянсу өнімдерінің сауда үйін ашуды және QazTrade серіктестігіне шақыруды жоспарлап отыр. Мұнда Қазақстанның ҚХР нарығындағы ең сұранысқа ие өнімдері сатуға қойылады, Орталық Азия елдерінен тауарлар ассортиментін кеңейту мүмкіндігі бар. Тауарларды оффлайн немесе электрондық сауда платформасы арқылы сатып алуға болады.
Сауда үйінің ашылуы 30 наурызда Нанкинь қ. жоспарлануда. «QazTrade» АҚ бас директоры Жеңіс Өсербай түсіндіріп өткендей, орталық сауда, инвестициялық, қаржылық қызметтерді ұсынады және Қытай мен Қазақстан арасындағы және болашақта Орталық Азия өңірі елдерімен инвестиция мен сауда алмасу үшін сервистік платформаға айналады.
Бұдан басқа, ағымдағы жылы Jiangsu SOHO Астана қаласында осындай орталық ашады, онда Jiangsu SOHO компаниясы мен Цзянсу провинциясының тауарлары орналастырылады және қазақстандық бизнеспен инвестициялық, сауда-экономикалық ынтымақтастық бойынша жұмыс жүргізіледі. Компания Қытай – Еуропа бағыты бойынша сауда инфрақұрылымдарын салуды, сондай-ақ екі ел арасындағы сауда ағындарының экономикалық тиімділігіне негізделген логистикалық желіні құруды жоспарлап отыр.
Jiangsu SOHO International Group Corp – Цзянсу провинциясына тиесілі Қытайдың ірі мемлекеттік кәсіпкерлік тобы. Компания құрамына 380 астам кәсіпорын кіреді, жылдық кіріс 100 миллиард долларға жетеді. SOHO ішкі және сыртқы сауданы кешенді дамытуды ұстанады. Компания 160-тан астам елмен және өңірлермен экономикалық және сауда ынтымақтастығын орнатты.
SOHO жанындағы Цзянсу теміржол компаниясы Орталық Еуропа мен Азияның 26 елін және 80-ге жуық халықаралық станцияны қамтитын 24 теміржол желісінің тұрақты жұмысын қамтамасыз ететін Цзянсу Орталық Еуропа (Азия) теміржолының жұмысын үйлестіреді. Сондай-ақ SOHO қаржылық қызмет көрсету саласында жұмыс істейді және бірнеше қаржы институттарының акционері болып табылады. Бизнес жүргізуге лицензиялары бар, «Белдеу және жол» бойында орналасқан елдерде өнеркәсіп үшін саудаплатформалары мен қаржылық қызметтер ұсынады.
Көпфункционалды орталықтың ашылуы жобаның барлық қатысушылары үшін өзара тиімді алаңға айналады және тауарлардың қытай нарығына шоғырландырылған ілгерілеуіне ықпал етеді.