Алладин тобының Халал өнімдеріне мамандандырылған малайзиялық электронды сауда алаңы қазақстандық компанияларды ынтымақтастыққа шақырады.
Азық-түлік өнімдерін де, азық-түлікке жатпайтын тауарларды да қамтитын халал өнімдерінің дүниежүзілік нарығы жылына шамамен 2,3 триллион АҚШ долларын құрайды, бұл әлемдегі 1,6 миллиард мұсылман халқын қамтамасыз етеді. Бұл сегментте тамақ өнімдері шамамен 67%, фармацевтика нарығы – шамамен 22% және тағы 11% – косметика мен парфюмерия нарығы.
Алладин 2016 жылы құрылған және халал өнімдеріне мамандандырылған әлемдегі алғашқы электрондық нарықтардың бірі болып табылады. Алладин әлемдегі 1,45 миллиард адамға қызмет көрсететін және тұтынушылардың осы сегментіне қол жеткізуді қамтамасыз ететін 40-тан астам елдегі стратегиялық серіктестіктер арқылы жеткізілім тізбегіндегі күрделі мәселелерді шешеді.
Компания қатысушы компаниялар үшін арнайы маркетингті ұсынады, мамандар платформада өнімдер мен қызметтерді іске асыруға қолдау көрсетеді.
Ағымдағы жылдың ақпан айында Қазақстан Республикасының Малайзиядағы Елшілігі «Алладин» компаниясы мен Қазақстанның сауда және интеграция министрлігі арасында конференция ұйымдастырды. Кездесу барысында тараптар электронды сауда, «Алладин» платформасында халал өнімдерімен сауда жасау, қазақстандық компаниялардың Оңтүстік-Шығыс Азия және Малайзия компанияларының Орталық Азия және Еуразиялық экономикалық одақ нарықтарына шығуы саласындағы өзара әрекеттесу мүмкіндіктерін талқылады. Компания басшылығы электронды коммерция және халал индустриясы саласындағы нарық туралы, «Алладиннің» қызметі, тіркеуі және платформада сауда қағидаттары туралы толық ақпарат берді. Бейнеконференция нәтижесінде тараптар арасындағы өзара тиімді ынтымақтастықты дамыту туралы, атап айтқанда, өз тауарларын Оңтүстік-Шығыс Азия нарықтарына шығару үшін қазақстандық компаниялардың тізімін әзірлеу, Алладинді Астана халықаралық қаржы орталығында тіркеу туралы және ҚР Сауда және интеграция министрлігі мен малайзиялық «Алладин» компаниясы арасында ынтымақтастық туралы меморандумға қол қою келісімге қол жеткізілді.
Наурызда Қазақстан Республикасының Сауда және интеграция министрлігі мен Алладин тобы халал өнімдерінің экспортын ілгерілету және электронды сауданы дамыту мақсатында сауда ынтымақтастығын дамыту мақсатында ынтымақтастық туралы меморандумға қол қойды.