«Иннопром 2021» халықаралық өнеркәсіптік көрме алаңында Қазақстан Республикасы мен Свердлов облысы компанияларының өкілдері арасында В2В форматында келіссөздер өтті.
Бизнес-форум қазақстандық тауар өндірушілердің сауда-экономикалық миссиясы аясында өтті. Ұйымдастырушылар – Қазақстан Республикасының Сауда және интеграция министрлігі, «QazTrade» АҚ және Орал сауда-өнеркәсіп палатасы.
Сауда миссиясына азық-түлік, химия, машина жасау және құрылыс салаларының 10 қазақстандық өндірушісі, сондай-ақ ұлттық стендке машина жасау, құрылыс, металлургия, химия және басқа да салалардың 20 компаниясы қатысты.
Ресей тарапынан келіссөздерге 40-тан астам компания қатысты.
Форум барысында «KazakhExport» АҚ-ның қаржы құралдарының таныстырылымы өтті.
Ресми бөлім аяқталғаннан кейін Орал СӨП мен «QazTrade» АҚ арасында Ынтымақтастық және өзара түсіністік туралы меморандумға қол қойылды.
Іс-шара қорытындысы бойынша 250 млн.рубльден астам сомаға сүт өнімдерін, тамақ және техникалық тұзды, макарон өнімдерін жеткізуге арналған шарттарға қол қойылды. Сонымен қатар, осы жылдың соңына дейін ет өнімдерін, ет деликатестерін, тұрмыстық және өнеркәсіптік химия өнімдерін экспорттауға шарттар жасасу жоспарлануда.
Бизнес-форумға қатысушылардың пікірінше, Екатеринбург және қазақстандық компаниялар кәсіпкерлерінің кездесуі өзара түсіністік пен серіктестіктің дәстүрлі жоғары деңгейін көрсетті.
Екатеринбургтегі Сауда-экономикалық миссиясына қатысқан компаниялардыңтізімі
| № | Компанияның атауы | Сала | Өнім | Өңір |
| 1 | «Концерн Bakarassov» ЖШС | Құрылыся | Лак-бояу өнімдерін өндіру | Алматы қаласы |
| 2 | «SONA lab» ЖШС | Химия | Дезинфекциялау және кәсіби жуу құралдарын өндіру | Алматы қаласы |
| 3 | PASTA&NOODLES ЖШС | Тамақ | Макарон өнімдерін өндіру | ШҚО |
| 4 | «Аралтуз» АҚ | Тамақ | Тұз өндірісі | Қызылорда обл. |
| 5 | «Сантехпром» ЖШС | Құрылыс | Санитарлық-техникалық бұйымдар өндірісі | Қарағанды қаласы |
| 6 | «Microhim» ЖШС | Химия | Дезинфекциялық, антисептикалық құралдар мен тұрмыстық химия өндірісі | Алматы қаласы |
| 7 | «Ордабасы Құс» ЖШС | Тамақ | Күрке тауық еті мен шұжық өнімдерін өндіру. Түркістан обл. | Түркістан обл. |
| 8 | «Султан-Маркетинг» ЖШС | Тамақ | Макарон өнімдерін өндіру | Алматы қаласы |
| 9 | Т ДЕП ЖШС | Тамақ | Сүт өнімдерін өндіру | Қостанай қаласы |
| 10 | «Павлодар соль» ЖШС | Тамақ | Тұз өндірісі |