«QazTrade» сауда саясатын дамыту орталығы» АҚ-ы «Жаркентский Крахмалопательный завод» ЖШС мен көлік-логистикалық инфрақұрылым иелері арасында тараптар үшін өзара тиімді шарттарда уақытша сақтау қоймасын және теміржол тұйығын жалға алуға серіктес іздеуге және ұзақ мерзімді шарт жасасуға жәрдем көрсетті.
Мұндай шарттың болуы ірі отандық крахмал өнімдерін өндірушіге өндіріс қызметін болашаққа жоспарлауға және тұрақты жүк тасымалдарын, оның ішінде үшінші елдерге экспортты ұйымдастыруды қамтамасыз етуге мүмкіндік береді.
Жетісу облысының әкімдігі мен Өңірлік кәсіпкерлер палатасының қатысуымен QazTrade сарапшылары бизнес өкілдері үшін консультациялар өткізді, сондай-ақ крахмал-патч өнімдерін өндірушілерге өз тауарларын сыртқы нарықтарға тасымалдау кезіндегі шығындардың бір бөлігін қалай өтеу керектігін түсіндірді.
Естеріңізге сала кетейік, 2022 жылдың қараша айында ҚР Премьер-Министрінің орынбасары – Сауда және интеграция министрі Серік Жұманғариннің Жетісу облысына жұмыс сапары барысында бизнес-құрылымдардың өкілдерімен кездесулер өтіп, логистика саласындағы қиындықтар талқыланды.
Қытайға шағын жүк партияларын тасымалдау бойынша отандық экспорттаушыларға жәрдемдесу мақсатында «QazTrade» АҚ-ы «KTZ Express» АҚ-мен бірлесіп Алматы (КЗХ) – Сиянь (ҚХР) бағыты бойынша контейнерлерде (LCL) құрама жүктерді тасымалдау бойынша логистикалық сервис ұйымдастырылды.