3 наурызда 40-тан астам экспортқа бағдарланған компаниялардың, облыс әкімінің бірінші орынбасары Мұхтар Манкеевтің, «QazTrade» АҚ Бас директоры Азамат Асқарұлының және KazakhExport компаниясы өкілдерінің қатысуымен Өңірлік экспорттық кеңестің (ӨЭК) отырысы өтті.
Батыс Қазақстан облысында 45 белсенді экспорттаушы бар. 2020 жылы экспорт көлемі 3,9 млрд. АҚШ құрады. Тауарлар, жұмыстар мен қызметтер әлемнің 100-ден астам еліне экспортталады. Экспорттың негізгі көлемі Италия, Нидерланды, Испания, Греция және Франция сияқты алыс шет елдерге тиесілі.
Өңірдің 11 компаниялар өткен жылы экспорттық шығындардың бір бөлігін 205 млн.теңгеге өтем алды. Өткен жылы Батыс Қазақстан облысынан экспорттық акселерация бағдарламасына 2 кәсіпорын («Нұржанар» АҚ және «Кублей» ЖШС) қатысты. 2019-2020 жылдары өңірдің үш компаниясы («Нұржанар» АҚ, «Кублей» ЖШС, «Qazaqstantrade» ЖШС) Alibaba платформасында «Алтын аккаунтқа» ие болды.
Қазіргі уақытта Қазақстанда 15-тен астам экспорттаушыларды қолдаудың құралы бар.
Азамат Асқарұлы биылдан бастап олардың барлығы дерлік QazTrade компаниясында шоғырланғанын айтты.
«QazTrade шикізаттық емес өнім экспортын дамыту және ілгерілету жөніндегі оператор болып табылады. Компанияда диагностика және экспорттық мүмкіндіктерін бағалауға дейінгі және сапалы талдау мен консалтингтік қызметтер көрсетуге дейінгі отандық өнім өндірушілерді қолдаудың барлық дерлік құралдары шоғырланған. Осы жылдан бастап компания экспорттаушылардың шығындарын өтеумен айналысады»,– А. Асқарұлы хабарлады.
Оның айтуынша, ағымдағы жылдан бастап барлық құралдар цифрландырылып, онлайн режимге ауыстырылды-оларды export.gov.kz порталдан алуға болады.
Сонымен қатар, кәсіпкерлерге ыңғайлы болу үшін @qaztradebot телеграмм-боты іске қосылды. «Мұнда экспортты қолдау туралы барлық ақпарат «экспорттық акселерация» бағдарламасына қалай кіруге болады, шығындарды өтеуді немесе экспорттаушыны қолдаудың басқа да қаржылық шараларын алу, электрондық алаңдарға шығару немесе Мемлекеттік сатып алу бойынша ақпарат тақырыптары бойынша шоғырланған. Осы жерде сіз өтінішіңізді қалдыра аласыз немесе сұрақ қоя аласыз», – А. Асқарұлы өңір кәсіпкерлерін ақпараттандырды.
Тағы бір байланыс арнасы-пандемия басталғаннан бері жұмыс істеп келе жатқан @exportgov Telegram-чатының көптеген экспорттаушылары үшін бұрыннан таныс.
«Экспорттаушыларды қолдауды қамтамасыз ететін құрылым ретінде біздің міндетіміз – сізде, экспорттаушыларда туындайтын барлық проблемалық жағдайларға жедел ден қою. Өңірлік экспорттық кеңестер еліміздің кәсіпкерлік секторы мен экспортты дамыту институттары арасында тығыз байланыстар орнатуға көмектеседі деп сенемін. Мұның бәрі, сайып келгенде, отандық өнімді шетелдік нарықтарға үздіксіз жеткізуге ықпал етуі керек».
Мұхтар Манкеев аталған іс-шараны өңір экспорттаушылары үшін өткізудің маңыздылығын атап өтіп, отандық өндірушілерді қолдау құралдарын белсенді пайдалануға шақырды.
«Бүгінгі іс-шараның негізгі мақсаты «QazTrade» АҚ және «KazakExport» ЭСҚ» АҚ арқылы жүзеге асырылатын экспорттаушыларды қолдаудың негізгі механизмдерін түсіндіру, сондай-ақ экспорттаушылардың проблемалық мәселелерін талқылау және оларды шешуге жәрдемдесу болып табылады.
2020 жылы тауарды қайта бөлуге байланысты өтелетін шығындардың мөлшерін 30% – дан 80% – ға дейін ұлғайту бөлігінде экспорттаушыларды қолдау тетігіне өзгерістер енгізілгені қуантады, бұл өндірушілерді қосылған құны жоғары тауарды өндіруге және экспорттауға ынталандырады.
2020 жылдың қорытындысы бойынша Батыс Қазақстан облысы берілген және мақұлданған өтінімдер саны бойынша республика бойынша 3-ші орында тұр, ағымдағы жылы облыс кәсіпкерлері осы бағдарламаға белсенді қатысады деп үміттенеміз, бұл өз кезегінде экспорт көлемінің өсуіне ықпал етеді.»
Өңірлік экспорттық кеңестің қорытындысы бойынша қазақстандық өнімді экспорттайтын өңірдің өндірушілері мен трейдерлері QazTrade өкілдерімен экспорт кезінде кездесетін кедергілер мен проблемалық мәселелермен бөлісті, сондай-ақ өз ұсыныстарын айтты.